من نحن
No Zero Days مش مجرد متجر إلكتروني
ده امتداد لفكرة بسيطة لكن تأثيرها كان كبير
وهو إن مفيش يوم يعدي علينا "زيرو" !
الفكرة بدأت من جروب على الفيسبوك
اتجمع فيه ناس كتير يمكن ظروفهم وأعمارهم وخلفياتهم مختلفة
لكن كان بينهم قاسم مشترك واحد وهو إنهم بيحاولوا كل يوم يعملوا حاجة أحسن حتى لو صغيرة
وعلى مدار ٤ سنين الجروب مبقاش مجرد مساحة على السوشيال ميديا
إنما بقينا أسرة حقيقية
بنحلم وبنتعلم وبنكبر مع بعض
عملنا تحديات وجداول وتاسكات والكل شارك واتعلم والجروب بقى مليان قصص ملهمة وإنجازات تشجع وبيئة آمنة وداعمة ومحفزة بنسند وبنشجع بعض فيها
من هنا بدأت الفكرة تكبر
ليه ميبقاش في خطوة أبعد ؟
مكان نقدر من خلاله نساعد أكتر
ونوفر منتجات تكون فعلاً جزء من يوم الناس
تساعدهم يكملوا ويبدعوا ويتطوروا
ومن هنا اتحول No Zero Days من فكرة ومجتمع لشركة
براند طالع من الناس
علشان يلبي احتياجاتهم ويساعدهم
مكان واحد يجمع كل اللي يخلي يومك أفضل
منتجات مختارة بعناية تساعدك على الإنتاجية، الراحة، والإبداع
يمكن منقدرش نغير حياتك فجأة
لكن نقدر نساعدك إن يومك يكون أفضل
وتبدأ دايرة
No Zero Days